قصيده بعنوان ليه يا دنيا بقلم الشاعر محمد سعدون
اه من كل صرخة الم —– جوه القلب وجعانا
اه من الدنيا الى ظلمانا —- ومن المرار سقيانا
بنجرى على اكل عشنا —– والدنيا مش رحمانا
الشقا والهم موتنا —— ومفيش يوم حلو جانا
بنبكى فى عز فرحتنا —— لما الحزن ينسانا
ذادت همومنا و احزنا—— ومات الفرح جوانا
ليه يا دنيا كرهانا —— وليه مش مشيه ويانا
ليه فى الحزن فكرانا —– وليه فى الفرح نسيانا
كنا يا دنيا بنحبك —– وكنتى يا دنيا حبانا
وكنا بنفرح بقربك —– لما كنتى ويانا
وكان السعد سكتنا —– والفرح مالى دنيانا
دلوقتى الحزن فى قلوبنا—- ومات الفرح جوانا