كتبت : إنتصار أحمد
سيذاع فى الأيام القادمه كليب حبك حياه وهى أغنيه عن الأم للفنان مدحت صالح وتأليف أحمد برىء التى كانت اخر أعماله تتر مسلسل فوق السحاب غناء بهاء سلطان وتتر مسلسل نصيبى وقسمتك الجزء الاول غناء محمد الصاوى والجزء الثانى غناء يارا وستذاع الاغنيه بمناسبة عيد الأم والتى تقول كلماتها
يوم بعد يوم شهر وسنه انتى وأنا
على طول معايا بتعملى روح للمكان
دايما وجودك جنبى إحساس بالأمان
وبشوف حياتى كلها متلونه
بتغيرينى فى ثانيه للأحسن أكيد
وأى حاجه تانيه وانا جنبك تهون
بتخلى للدنيا دى طعم ولون
مقدرش أعيش لو كنتى لحظه بعيد
انتى الوحيده اللى حبك حياه
بتحلى يومى ومنوراه
مين عندى أغلى وأجمل وأحلى
وعمرى وروحى وقلبى معاه
إسمك فى قلبى إتكتب من زمان
كان أحلى كلمه نطقها اللسان
أمى انتى ليا أجمل هديه
وعايش ببركة دعاكى فى أمان
ألاغنيه الحان محمد الصاوى ، توزيع يحى يوسف وإخراج هانى كامل